Amekaa moyoni basi ishi kwa furaha ee mwili

Hii ndiyo neema idumuyo milele na milele

Umekuwa katika hifadhi ya Mpendwa na yeyote

Anayekuwa jirani wa Mpendwa maisha yake ni ya neema tele

Ishi katika amani ya Allah chini ya bendera Yake

Hakuna hofu katika upande huu wala taabu

Usiogope umaskini kwani unayo nyumba ya yule

Ambaye matamanio yote ni msaada kutoka mikononi mwake

Bwana wa uzuri na mtumaji wa fadhila tele

Yeye katika uzuri wote ni wa pekee asiye na mfano

Nguzo ya hekima, msaada wa walimwengu wote

Mbora wa viongozi wote, Ahmad aliyesifiwa zaidi

Roho ya kuwepo na uhai wa kila kiumbe

Lau si yeye, kuwepo kusingekamilika kwa yeyote

Isa na Adamu na viongozi wote wa viumbe

Wao ni macho naye ni nuru ya macho hayo alipotokea

Lau kama Shetani angeona mng'ao wa nuru yake

Katika uso wa Adamu angekuwa wa kwanza kusujudu

Au lau kama Namrud angeona nuru ya uzuri wake

Angemuabudu Mtukufu pamoja na Ibrahimu bila ukaidi

Lakini uzuri wa Allah umetukuka hauonekani

Ila kwa upendeleo maalumu kutoka kwa Allah Mtegemewa

Basi furahia aliyekaa kifuani mwako ee

Ambaye umejaza matamanio katika jicho na mkono

Chemchemi ya uaminifu, maana ya usafi, siri ya ukarimu

Nuru ya uongofu, roho ya hekima, kiwiliwili cha uongofu

Kisha rehema ziwe juu ya Mtume mteule

Mkusanyaji mwenye sifa maalumu mradi dumu milele