Ewe mtafuta Allah, tunakurudia neno lisikilize

Ukifahamu neno langu kwayo utafika kwa Allah

Ni juu yako ewe mfuasi mvinyo wa upweke

Na ukitaka ziada basi yasiyokuwa Yeye yasahau

Litaje Jina Tukufu na ukunje ulimwengu upate faida

Na uingie bahari ya umilele kwani hiyo ni bahari ya Allah

Na ingia bahari ya nuru, maana na siri

Na uifute miji hii moyo wako utafikia tamanio lake

Na ufutike kwa Mwenye kuabudiwa uonje maana ya ushuhuda

Kwani hakuna huu uwepo isipokuwa ni kutokana na nuru ya Allah

Ufalme wa dhahiri na wa siri, kadhalika ule wa nguvu

Kwani zote ni sifa na Dhati ndiyo inayoitwa

Basi potelea mbali na sifa na ufutike katika dhati ya Dhati

Hizi ni rangi mbalimbali ambazo marejeo yake ni kwa Allah

Kwake ndio ukomo na kutoka Kwake ndio mwanzo

Na sasa amedhihirika na ulimwengu u katika pambo Lake

Kwake ulimwengu ni kioo na mahali pa kudhihiria sifa

Muhammad ni nuru ya Dhati rehma za Allah ziwe juu yake

Al-Alawi anasema neno lenye kukubalika kwake

Akili hupagawa nalo zikitoweka katika dhati ya Allah