Ee harufu njema za Allah, ee huruma Zake

Na ee mivuto ya Ukweli, kirimu kwa ziara

Ee mitazamo ya Allah, ee macho Yake

Na ee pepo za upole, elekea kwa kipawa

Ee msaada wa Rahman, fanya hima haraka

Kwetu, na ufungue kifungo cha kila janga

Ee rehema ya Mola Mrehemu, tuelekee

Na uhuishe kwa roho ya fadhila kila kilichooza

Ee milango yote ya kukubaliwa, funguka

Kwani vipando vya makusudio vimeelekea kwako

Ee mawingu ya ukarimu wa Kiungu, nyesha

Kwani viganja vya ukame vimeelekezwa kwako

Kwa heshima ya mwongozi wetu na mhuisha nyoyo zetu

Na mwelekezi wetu katika njia iliyonyooka

Alituita kwenye haki kwa haki iliyoteremshwa

Kwake kutoka kwa Rahman, wito ulio bora

Tuitika, tukakubali tukitii amri yake

Tukasikia, tukatii kwa uongofu na busara

Ee Mola tuthibitishe juu ya haki na uongofu

Na ee Mola tufishe katika dini bora

Na uwaenee kwa rehema mizizi na matawi

Na familia, na masahaba, na kila jamaa

Na watu wote wa dini miongoni mwa kila Muislamu

Aliyesimamisha Upweke Kwako bila shaka

Na mswalie na umsalimie daima dawamu

Juu ya mbora aliyetumwa kwa umma bora

Muhammad aliyeteuliwa na Wewe kwa fadhila Zako

Tukufu, na kuteremshiwa Kitabu na hekima