Hakuna aliyenyoosha mkono kwa mbora wa viumbe

ila tu kupitia kwake amepata kufuzu

Basi kwa ajili hiyo nimenyoosha kwake mkono wangu

na kwa hilo nikawa miongoni mwa wenye heri

Ni mlango kuelekea kwa Allah uliotukuka na kupaa

kwa utukufu na ukapea katika kila kilele

Na wote kupitia mwito wake wameungana

na Allah na wakapata kupitia kwake msaada

Hakika mimi katika dhiki na katika faraja

katika himaya yake nakimbilia maisha yangu yote

Na nasema: "Ninusuru Ewe akiba yangu"

"na nistahilishe kutoka katika viganja vyako ukarimu"

Na tuonee huruma Ewe tumaini langu

kwa kuponya moyo kutokana na maradhi

Je, mpenzi wako anaweza kuwa katika hofu?

Na kwa cheo chako simuogopi yeyote

Simtarajii yeyote ghairi yako zama zikinisonga

na ninapokosa kabisa wa kuninusuru

Kwa uhai wako tupa jicho la huruma

kwa ukarimu Ewe mbora wa waliosujudu

Wewe ndiwe mteule tangu asili

Ewe mwombezi mbora miongoni mwa umma

Na kwa nuru yako baada ya kutokuwepo

uso wa uumbaji uling'ara na kudhihiri

Na rehema za Allah zisizo na idadi

kwako zinaletwa zawadi Ewe mwenye daraja ya juu

Na kwa jamaa zako na maswahaba waungwana

madhali mwongoza-ngamia anaimba na kuitika