Mwambie yule aliyenilaumu

Niache na hali yangu ewe mlaumu

Lau ungalijua yaliyojiri

Usingalinikataza ewe mjinga

Je, huoni mwili wangu dhaifu

Umekondeshwa na ugonjwa wa kudhoofika

Niambie kwa nani taabu hii

Na huu ulewa wa mapenzi na bumbuazi

Allah ananitosha na kutosheleza

Sema upendavyo ewe mwenye kimbelembele

Enyi mnaoishi siri zangu

Ninao kwenu upendo uliotakata

Nimewamilikisha enyi mabwana zangu

Hatamu ya mambo yangu na uongozi

Msimsahau yule ambaye amekuwa

Akitukuka kwa ajili yenu kati ya waja

Amesimama mlangoni akidumu

Akitarajia heri na kukubaliwa

Allah ananitosha na kutosheleza

Sema upendavyo ewe mwenye kimbelembele

Imevuma mivumo ya kukutana

Kutoka upande wa Utakatifu ulio juu

Na nuru zake zimefunika

Ulimwengu wa moyo uliotakasika

Kutokana na kila asiyekuwa Maabudiwa wake

Mmoja wa Kweli, Mlinzi

Na siri zake zimefunuliwa

Akatulia katika mnara wa ufikaji

Allah ananitosha na kutosheleza

Sema upendavyo ewe mwenye kimbelembele

Mpenzi amekesha na Mpendwa

Na mlaumu mghafilifu yuko mbali

Hakujua nini maana ya mapenzi

Kati ya mabwana na watumwa

Ole wake, ingemdhuru nini

Lau angelijua hali ya mwenye heri

Nafasi yake mbele ya Mola wake

Na Allah anajua asemayo

Allah ananitosha na kutosheleza

Sema upendavyo ewe mwenye kimbelembele

Wanasema nini wenye kukanusha

Kuhusu yule mwenye moyo mnyofu

Anawapenda Waislamu wote

Na shabaha yake ni Mola Karimu

Na anaamini katika nafsi yake

Kwamba yeye ni mja dhalili

Isingekuwa hifadhi ya Mola wake

Angekuwa mvivu mpotovu

Allah ananitosha na kutosheleza

Sema upendavyo ewe mwenye kimbelembele