Nina wapendwa Madina ambao wakinitazama

Ghamu zangu hutoweka na dhiki huniondoka

Na moyo huwa katika utulivu na furaha

tele, nami hufuatana na taufiki na ushindi

Enyi watu wa Taiba fanyeni haraka kwani mimi ni mgonjwa

na kile nilichokitarajia mimi nakisubiri

Ni desturi yenu kwamba mwenye kupenda pindi

akiwaita kwa ulimi wa mahaba hufarijika

Mahaba yamejaa kifuani mwangu bali yameumbika

katika nafsi ya sura yangu pindi sura zikidhihiri

Ewe bwana wa Mitume nidiriki kwani hakukubaki

kwangu mbinu ila pendo lako nililoweka akiba

Kwa ajili ya Mungu ni mazazi yako adhimu ambayo

ardhi ilifurahi kwayo na mazito yakaondoka

Siku ambayo kwayo dunia iliangaza na halijachomoza

jua mfano wake kamwe wala mwezi

Salamu kwako toka moyoni zenye manukato

harufu yake huzidishwa na roho yako yenye harufu nzuri

Na anayeniuliza "Unatamani nini?" nikamwambia

naitamani Taiba kwa shauku isiyo na mwisho

Ewe rubani wa angani nishushe pindi itakapoangaza

machoni pako ile Kuba ya Kijani na vyumba vile

Hapo nitaelekea kwenye dirisha la Mtume ili

nimuombe Mungu msamaha ambapo dhambi husamehewa

Rehema za Mungu ziwe juu yako kila yanaposomwa

katika hafla ya mazazi yako aya na sura

Na jamaa na maswahaba na wafuasi wote

na Ghawthi na Qutbi na wapendwa waliohudhuria