Pepo mwanana imetuvuvia kutoka himaya ya Mteule

Pepo yenye neema, dawa na maponyo

Kwa kuinusa, dhahiri na siri zetu hutengenea

Ah, heri iliyoje kwa amfuataye Mtume kila hali!

Kwa mguu wa ukweli pamoja na watu wa hima na uaminifu

Hao ndio watu wakuu, hakika wao ndio watukufu

Wao ni watu wa siri, watu wa usafi na weupe wa moyo

Ewe mwendesha ngamia imba! Kwani hali yangu imetakasika kwa Mtume

Likichomoza chemchemi ya ukarimu wa Allah hutusamehe

Allah ananitosha; na ni Mtoshelezi bora aliyeje!

Kwake hutoka vipaji, na kwake hutoka afya na shifa

Ewe Mwingi wa ukarimu, Mola wangu ni mbora wa wasamehevu

Tufadhili kwa usuhuba wa mja Wako, huyu Mteule

Na utuongoze katika njia ya waliofuata uongofu wake

Ili tudumu kwayo, na kuwafuata makhulafa warithi wa Mtume

Kwa utukufu wa Ahmad, mpenzi wa Allah, hazina ya uaminifu

Mola wangu amswalie madamu mvua inanyesha na kutosha

Na Ahli na Maswahaba, madamu umeme unamulika mbinguni