Tumetawassuli kwa jina la Allah

na kwa Mwongofu, Mjumbe wa Allah

Na kwa kila mpiganaji kwa ajili ya Allah

kwa baraka za Watu wa Badr, Ewe Allah!

Mola wangu, isalimisha Umma

kutokana na majanga na adhabu

Na kutokana na wasiwasi na huzuni

kwa baraka za Watu wa Badr, Ewe Allah!

Mola wangu, tuokoe na uondoshe

kila udhia na uepushe

Vitimbi vya maadui na uwe na upole

kwa baraka za Watu wa Badr, Ewe Allah!

Mola wangu, ondoa dhiki na shida

zitokanazo na waasi na uharibifu

Na kila balaa na maradhi ya mlipuko

kwa baraka za Watu wa Badr, Ewe Allah!

Ni rehema ngapi zimepatikana

na ni udhalili kiasi gani umeepushwa

Na ni neema ngapi zimefika

kwa baraka za Watu wa Badr, Ewe Allah!

Ni wangapi wenye umri umewatajirisha

na wangapi mafukara umewakidhi

Na wenye dhambi wangapi umewaponya

kwa baraka za Watu wa Badr, Ewe Allah!

Hakika moyo umedhikika sana

juu ya ardhi yote licha ya upana wake

Basi tuokoe na balaa hili gumu

kwa baraka za Watu wa Badr, Ewe Allah!

Tumekuja tukitafuta upole na rehema

na kheri nyingi na mafanikio

Basi kithirisha kile unachotutunukia

kwa baraka za Watu wa Badr, Ewe Allah!

Basi usiturejeshe kwa khasara

bali tujaalie tuwe katika wema

Ewe Mwenye utukufu na enzi kuu

kwa baraka za Watu wa Badr, Ewe Allah!

Na ukitukataa, ni kwa nani tutakwenda

kupata mahitaji yetu yote?

Ewe muondoshaji wa dhiki kuu

kwa baraka za Watu wa Badr, Ewe Allah!

Mola wangu, tusamehe na utukirimu

kwa kutupa mahitaji yetu

Na kwa kutuepushia kila ubaya

kwa baraka za Watu wa Badr, Ewe Allah!

Mola wangu, Wewe ni Mwenye upole

na Mwenye fadhila na huruma

Na ni dhiki ngapi umeziondoa

kwa baraka za Watu wa Badr, Ewe Allah!

Na mswalie Mtume mwema na muadilifu

bila ya idadi wala kikomo

Na kizazi chake, viongozi watukufu

kwa baraka za Watu wa Badr, Ewe Allah!