Ewe unayeona machozi yangu yakimwagika kama mvua

Kutoka machoni pangu huku mwili wangu ukionyesha udhaifu

Usistaajabu hata nikigeuka kuwa kama mabaki yasiyo na uhai

Paa aliye nyikani kati ya miti ya bani na mlima

Amehalalisha kumwaga damu yangu katika miezi mitukufu

Naishangae hali yangu kwani sijawahi hata mara moja

Kuogopa mashaka hata yakaninyooshea mikono yake

Lakini mapenzi yamenitia uziwi na maneno yangu yakawa bure

Kadari imemwangusha simba kwa macho ya mtoto wa paa

Ewe mkazi wa nyika, mwokoe mkazi wa mwituni!

Mpendwa ameshambulia moyo wangu kwa mishale ya macho yake

Na ameniacha nikitangatanga bila mwongozo wowote

Aliponipiga na mshale wake kudhoofisha subira yangu

Nilikanusha jeraha na kuficha mshale ndani ya moyo wangu

Jeraha la mpendwa kwangu halina maumivu

Mwezi wangu unapotokea, mwezi wa angani hufichika

Imekuwa ndefu tafakuri na kukesha kwa pendo lake

Roho yangu ni yake, damu yangu, kusikia na kuona kwangu

Ewe unayenilaumu kwa pendo lake na pendo ni kadari

Lau shauku ingalikuchoma, usingenikemea wala kunilaumu