Kutazama uzuri usio wenu kwangu ni haramu

na yasiyokuwa maneno yenu kwangu si maneno

Umri wa tai pamoja nanyi ni sehemu ya siku

na saa moja kwa wengine ni miaka na miaka

Na subira yangu mbali nanyi ni jambo muhali

na sina muuaji mwingine ila ni kutengwa nanyi

Pindi nikiwaoneni huzuni zangu hutoweka

na mkiondoka mbali nami mauti hunikaribia

Natamani niwe mwenye kuketi pamoja nanyi

na hema zangu zipigwe katika makazi yenu

Basi ponyeni kwa kuungana nanyi mgonjwa wa kutengwa

anayeweweseka nanyi njiwa wanapoimba kwa mahadhi

Habari ya mapenzi yake kwenu ni ya tangu kale

na vazi lake kutokana na pendo ni maradhi

Kwani ninyi katika asili ni asili tukufu kabisa

mkitaka ninyi, basi nitayapata matamanio yangu

Kwenu ninyi mambo magumu hugeuka kuwa mepesi

basi fanyeni ukarimu kwa ihsani enyi watukufu

Na hakuna mwingine ila ninyi anayestahili ukarimu

basi vipi mgeni wa uwanja wenu adhulumiwe?