Mo ti ronúpìwàdà, Olúwa mi, gba ìrònúpìwàdà mi kí O sì dáríjì mí

Pa ẹ̀ṣẹ̀ mi rẹ, kí O sì fojú fò gbogbo àléébù mi dá

Ẹ̀rù ohun tí òpin mi yóò jẹ́ ń bà mí, fún mi ní ìfọ̀kànbalẹ̀ látara oore Rẹ

Nípasẹ̀ oore-ọ̀fẹ́, ìṣoore, ọ̀pọ̀lọpọ̀ ẹ̀bùn, àti ojú rere

Áà, Olúwa mi, nítorí ìkọsẹ̀ mi, gbé mi dìde kúrò nínú rẹ̀

Ẹ̀ṣẹ̀ mi ti pọ̀, ọkàn mi sì ti dágìrì látara ọ̀pọ̀lọpọ̀ àṣìṣe mi

Wá ràn mí lọ́wọ́, wá ràn mí lọ́wọ́, yára mú ìtura wá kí O sì gbà mí là

Sì fún mi, Ọlọ́run mi, ní ìmọ̀ àmúwá láti ọ̀dọ̀ Rẹ

Èyí tí yóò mú gbogbo ìpata àti ìbòjú kúrò nínú ọkàn

Ìwọ Olùgbọ́ àdúrà, jẹ́ mi, kí O sì gbọ́ ẹ̀bẹ̀ mi

Mi ò ní ẹnikankan bí kò ṣe Ìwọ láti fún mi

Mi ò ní ẹnikankan bí kò ṣe Ìwọ láti sọ mí di ọlọ́rọ̀