Әл-Гакыйк үзәнендә җыелдык

без һәм кара күзле гүзәлләр

Ләйлә Мәҗнүне турында ни уйларсың?

Ул бит бары тик бераз гына акылдан язган

И күзләрем, мине арыттыгыз

и керфекләрем, мине ташлап киттегез

И кечкенә йөрәгем, сабыр ит

мине ташлап киткәннәр хакына

Дүшәмбе көнне алардан аерылдым

сишәмбе иртәсендә сагыштан сулыктым

Алар мине калдырып киткән затлылар

күзләремнән канлы яшьләр түгәм

Шулкадәр еладым, хәтта ботактагы

кошлар да мине кызгандылар

Аллаһ хакына, сагыштан үлсәм

мине үз яшьләрем белән юыгыз

Минем өчен сыктагыз һәм әйтегез

«Бу — шул күзләр корбаны» дип

Кәрван маллары янында калдым

«Аллаһ хакына, мине дә алыгыз» дип

Үз халкымның йортларына таба

алар саубуллашмыйча киттеләр

Бар, илчем, алар янына

ашык һәм кулларын үп

Сәламемне аларга ирештер

бәлки, алар мине кабул итәрләр

Илче яныма елмаеп килде

«Сөен, килешү булды!» — диде

Арадагы икмәк-тоз хакына

алар кавышуга вәгъдә бирделәр