Галәмнең гүзәллегеннән минем шәрабым

Мин аны саф килеш татыдым, ул хәләлдер

Ул минем Тулы Аемның сыйфатларыннандыр

Ул барча камил гүзәллекне үзенә сыйдырган

Бер йөзер ки, аның нуры балкыды

Галәм исә аның көзгесенә әверелде

Күңелең Аны күрергә теләсә

Теләгеңне Аның теләгенә туры китер

Рухым белән мин – киң күк йөзе

Тәнем белән исә – тузан гына

Мин – чәчәк, мин – су

Вәҗдемнең назлылыгыннан хәйран калдым

Рух үзенең югары мәртәбәсенә күтәрелде

Күңел исә аны сакларга кереште

Тән дә үз юлы белән ашыкты

Шул рәвешле үзенең изге теләгенә ирешер өчен

И наданлык белән гаепләүче

Кавышуга ирешкән гашыйкны

Ихласлык белән гаепләсәң, үзең дә сыналачаксың

Һәм бу мәхәббәтне шул мизгелдә татырсың

Аңардан башка һәрнәрсәдән фәна булуың белән

Аның бакыйлык мәйданына сыенырсың

Аның ризалыгы шәрабының салкынлыгы белән

Күңелнең янулы сагышы сүнәр

Аллаһның салаватлары бүләк ителсен

Барлык хушбуйлардан да татлырак булсын

Килгән Рәсүлебезгә булсын ул салаватлар

Аның нуры барлык адашуларны җуяр

Чиксез бер сәлам белән

Аның гаиләсенә – бөек мәртәбә ияләренә

Сәхабәләренә һәм аларга иярүчеләргә

Һәм Аллаһның барлык дусларына