Ераклыктан соң алар мине кавыштырдылар

һәм элеккеге вәгъдәмне сакладылар

Көнчеләргә карамастан

кавышу вәгъдәсен үтәделәр

Якынлыктан килгән шатлыгым минем!

И бәхет-сәгадәтем минем!

Тулган аем миңа кавышу бүләк итте

И куанычым, максатыма ирештем

Җыелгыз (шатлыктан), и күз яшьләрем

һәм сүн, и сагыш утым

Мин – якынлык кичәсендә

рухи чишмәмнең суы сафланды

Касәләремне кулыма алдым

райхан һәм гөлләр арасында

Назлы хәрәкәтле зат кулыннан

соклангыч, зифа буйлы берәүдән

Гәх җырлар: «ал касәмне»

гәх әйтер: «мә битләремне»

Әгәр «и мең мәртәбәле Хуҗам» дисәм

ул «и мең мәртәбәле Колым» дип җавап бирер

Башкаларга катнаш эчемлек бирсә

мине генә саф эчемлек белән сыйлар

Аның мәхәббәтендә мине битәрләмәгез

адашуымны һәм дөреслегемне читкә куегыз

Аның мәхәббәтендәге сагыш утым

минем өчен мәңгелек җәннәт нигъмәте кебек