U kthjellua shikimi, u ëmbëlsua Hazreja

Erdhi lajmi i mirë për njerëzit e Allahut

U ngritën si të dehur nga ky sihariq

Ngritën kuvendin në falënderim për Allahun

O ti i pranishëm, përmend e përkujto

Ruaju të mohosh gjendjen e njerëzve të Allahut

Dorëzohu atyre në çka i ka pushtuar

Dhe dije se ata janë shkrirë në Allahun

Se ekstaza është një thirrës që i fton

Dhe i rrëmben ata gjatë dhikrit të Allahut

Kush s’ndjen ekstazë, le ta kërkojë atë

Qëllimisht duke iu hapur mirësisë së Allahut

Kështu thanë e andaj u lëkundën

Dhe u dhanë pa fre në dhikrin e Allahut

Derisa ata që s’janë prej nesh vërtet menduan

Se jemi çmendur nga dhikri i Allahut

Lum ne e qoftë sihariq për ne

Nëse çmenduria jonë është për Allahun