O kërkues i Allahut, po të përsëris një fjalë, dëgjoje

Nëse e kupton fjalën time, përmes saj do të mbërrish tek Allahu

Mbështetu o kërkues te vera e Njësimit

E nëse kërkon më shumë, atëherë harroje tjetrin përveç Tij

Përmend Emrin më të Madh dhe palose gjithësinë që të fitosh

Zhytu në detin e amshimit, sepse ai është deti i Allahut

Zhytu në detin e dritave, të kuptimeve dhe fshehtësive

Shuaje veten në këto vise, që zemra të arrijë qëllimin e saj

Shuhu në të Adhuruarin që të shijosh shijen e dëshmimit

Sepse kjo ekzistencë nuk është tjetër veçse nga drita e Allahut

Mbretëria e dukshme, ajo e padukshme e po ashtu Madhështia

Të gjitha janë cilësi, ndërsa Vetë Qenia është i Emërtuari

Humb ndaj cilësive e fashitu në Veten e Vetvetes

Këto janë vetëm ngjyresa, fundi i të cilave kthehet tek Allahu

Tek Ai është fundi e prej Tij është fillimi

E tani Ai u shfaq, ndërsa gjithësia rrezaton në petkun e Tij

Gjithësia për Të është pasqyrë dhe shfaqje e cilësive

Muhamedi është drita e Qenies, mbi të qoftë bekimi i Allahut

Al-Alaviu thotë një fjalë që prej tij është e pranuar

Prej së cilës mendjet mahniten e humbin në Qenien e Allahut