Kush është si Ahmedi në dy botët që ne e duam?

Hënë e plotë, mbarë krijesa në bukurinë e tij u mrekullua.

Kush është si ai, kur Zoti i Arshit e nderoi?

Me trajtë e moral, vërtet Allahu atë e pajisi.

Edhe dielli turpërohet nga dritat e shfaqjes së tij

Mendjet e njerëzve mbetën të hutuara në kuptimin e qenies së tij.

I Bekuar është Allahu, sa të ëmbla janë cilësitë e tij

Ai fitoi bukurinë, sa e shkëlqyer është fytyra e tij.

O arabë të Luginës së Nukës, o njerëz të Kadhimës

Në lagjen tuaj banon një hënë, që në zemër e ka folenë.

Paqja e Zotit të Arshit qoftë mbi të sa herë lind dielli

Dhe sa herë që udhërrëfyesi nxit devetë në shtegtim.

Allahu më dhuroi mirësinë që të lëvdoj të Zgjedhurin

Ndoshta do të radhitem ndër ata që thurin lëvdata për të.

Kur të vij për të lexuar regjistrin e veprave të mia

Nuk kam tjetër veç Atij që ka mirësi e m’i fal ato mua.

Muhamedi është zotëria i dy botëve dhe dy krijesave

Dhe i dy grupeve, prej arabëve dhe jo-arabëve.

Ai është i Dashuri, ndërmjetësimi i të cilit shpresohet

Për çdo tmerr prej tmerreve që na vërsulen.

Profeti ynë që urdhëron të mirën e ndalon të keqen

Nuk ka asnjë më besnik në fjalën e tij, qoftë “jo” apo “po”.

Si lulja në freski dhe hëna e plotë në lartësi

Si deti në bujari dhe si Koha vetë në vendosmëri.

O Zoti im, për hir të të Zgjedhurit, na i plotëso qëllimet tona

Dhe na i fal gjynahet e kaluara, o Bujari i Pafund.

Dhe fali, o Zoti im, të gjithë myslimanët për hir të asaj

Që lexojnë në Mesxhidul-Aksa dhe në Haremin e Shenjtë.

Për hir të atij, shtëpia e të cilit në Tajbe është shenjtërore

Dhe emri i të cilit është betimi më i madh ndër betime.