Ndërmjetësojmë me emrin e Allahut,

dhe me Udhëzuesin, të Dërguarin e Allahut

Dhe me çdo luftëtar në rrugë të Allahut,

për hir të njerëzve të Bedrit, o Allah!

Zoti im, shpëtoje këtë Ummet,

prej fatkeqësive dhe ndëshkimit

Dhe prej brengës e prej pikëllimit,

për hir të njerëzve të Bedrit, o Allah!

Zoti im, na shpëto dhe na largo,

çdo dëmtim dhe zmbrapsi

Kurthet e armiqve me butësi,

për hir të njerëzve të Bedrit, o Allah!

Zoti im, largoje vështirësinë,

prej të pabindurve dhe rrënimit

Dhe çdo fatkeqësi e epidemi,

për hir të njerëzve të Bedrit, o Allah!

Sa shumë mëshirë është arritur,

dhe sa shumë poshtërim është larguar

Sa shumë mirësi janë dhuruar,

për hir të njerëzve të Bedrit, o Allah!

Sa të moshuar Ti i pasurove,

dhe sa të varfër Ti i furnizove

Sa mëkatarë Ti i shërove,

për hir të njerëzve të Bedrit, o Allah!

Vërtet e gjithë toka, me gjithë gjerësinë,

zemrës sonë i duket e ngushtë

Ndaj na shpëto nga sprova e vështirë,

për hir të njerëzve të Bedrit, o Allah!

Kemi ardhur duke kërkuar mëshirë,

dhe bollëk mirësie e lumturie

Ndaj zgjeroje dhuntinë e dhuruar mbi ne,

për hir të njerëzve të Bedrit, o Allah!

Mos na kthe mbrapsht të dëshpëruar,

por bëje që të arrijmë mirësinë

O Zot i Nderit dhe i Madhështisë,

për hir të njerëzve të Bedrit, o Allah!

E nëse na refuzon, te kush të shkojmë,

për të gjitha nevojat tona

O Largues i çdo shqetësimi,

për hir të njerëzve të Bedrit, o Allah!

Zoti im, na fal dhe na ndero,

duke na i pranuar lutjet tona

Dhe largoje çdo të keqe prej nesh,

për hir të njerëzve të Bedrit, o Allah!

Zoti im, Ti je Zot i Butësisë,

i Mirësisë dhe i dhembshurisë

Sa shumë brenga Ti i largon,

për hir të njerëzve të Bedrit, o Allah!

Dërgo bekime mbi Profetin e mirë,

pafundësisht e pa llogari

Dhe mbi pasardhësit e tij fisnikë,

për hir të njerëzve të Bedrit, o Allah!