Pyeteni zemrën time, pyeteni, se ajo do t'ju rrëfejë

Për mua kur ju mungoni, sepse tek ajo gjendet prania juaj

O hëna të plota, pamja juaj ndriçoi gjithësinë!

Sikur të mos ishte ngushëllimi i zemrës sime kur ju kujtoj

Dhe vënia e dorës sime mbi të, ajo do të çmendej nga dëshira

Nëse lotët e mi do të përziheshin me detet e tokës, do t'i mbytnin ato

Prej një syri që zjarri i nxehtë i mallit e la pa gjumë

Dhe përvëlimi i dashurisë m'i copëtoi e m'i shpërndau thellësitë e mia

Sikur ta afronin zjarrin te zemra ime, ajo do ta digjte vetë zjarrin

A keni dëgjuar ndonjëherë për një zemër që e dogji zjarrin?