Dhunti prej mirësisë së Zotit tonë, të mrekullueshme

e çfarë në dhënien e Tij nuk është e jashtëzakonshme?

Festa e të dashuruarit është takimi me të Dashurin

Lavdi Atij që na afroi dhe këtë dashuri na e nguliti

Me mua janë njerëz të rangjeve më të larta

me fshehtësi shpirtërore që as numërohen e as shkruhen

Dhurata të larta, jo të fituara me thjeshtë mund

se mirësia e Mbrojtësit nuk mund të llogaritet

Kush ka paracaktim hiri do të marrë pjesën e tij

të plotësuar, pa mundim e pa u lodhur

Flladi i Dhuruesit të mirësive është pranë

dil para tij, o i ri, dhe afrohu

Ndoshta i lënduari do të gjejë shëruesin e tij

që jeta t’i bëhet gjithnjë e më e ëmbël dhe e kulluar

Bekimet e Zotit qofshin sa herë që mendjet fisnike

kuptojnë fjalë që meritojnë të shkruhen me lotët e syrit

Mbi krijesën më të mirë, Udhëzuesin, të Dashurin e Tij

mbi familjen dhe mbi të gjithë ata që e ndjekin në pastërti