මනුෂ්‍ය වර්ගයාට මඟපෙන්වීමේ මාවත් ප්‍රදානය කළ තැනැත්තාණෙනි,

ලෝවැසියන්ගේ පූර්ණ ප්‍රශංසාවට තනිවම හිමිකම් කියන තැනැත්තාණෙනි

මාගේ දෙවියනි, ඔබගේ දොරකඩ මා හට එක් ආයාචනයක් ඇත,

එහි මුළු ජීවිත කාලයක බලාපොරොත්තුව මූර්තිමත් වී ඇත

ඔබ ඉදිරියට එන කිසිදු අයැදුම්කරුවෙකු කිසිදා අධෛර්යයට පත් නොවන්නේය,

මාගේ ඉල්ලීම ඉදිරියේ ඔබගේ දොරටුව වැසී තිබිය හැකිද?

අල්ලාහ් දෙවිඳාණෙනි, ඔබගේ අනුග්‍රහයෙන් මම ඔබගේ ඒකීයත්වය අදහමින් ජීවත් වූයෙමි,

ඔබගේ ඒකීයත්වය පිළිගෙන ඔබ වෙත එන්නා වූ අයෙකු බැහැර කරනු ලැබේද?

ඔබගේ සාරය ඒකීය වන්නා සේම මාගේ ඉල්ලීමද එකමය; එබැවින් ඒ ඒකීයත්වය උදෙසා,

මඳ මොහොතකට හෝ අහ්මද් (නබිතුමාණන්) දැක ගැනීමට මට අවසර දෙනු මැනව