Yemwe mpumuko z'Imana yemwe neza zayo

Yemwe mbaraga zikurura z'Ukuri, tugabire igisura

Yemwe kureba kw'Imana n'ibitotsi byayo

Yemwe akayaga k'ubugwaneza, dushyikire n'impishe yawe

Wa butabazi bw'Unyempuhwe, tabara vuba

uze udupfundurire ipfundo rya buri kago k'amakuba

Ya mpuhwe z'Umuremyi Nyirimbabazi, tugarukire

uhembure n'umwuka w'ubuntu buri kintu cyose cyashishutse

Yemwe mirango yose yo kwemerwa, funguka

kuko amatungo y'imigambi yacu yakugannye ishishikaye

Yemwe bicu by'ubuntu bw'Imana, nimuvube

kuko ibiganza by'amapfa byabanguriwe imbere yanyu

Kubera icyubahiro cy'umuyobozi n'uhembura imitima yacu

n'utuyobora mu nzira y'ukuri igororotse

Atuhamagarira ukuri akoresheje ukuri kwamanuwe

kuri we guvuye ku Nyempuhwe, mu muhamagaro usumba indi yose

Twitabye, twemera twumvira itegeko rye

twumvise twumviye ku bw'ubuyobozi n'ubushishozi

None Nyagasani, tugumye ku kuri n'ubuyobozi

kandi Nyagasani, udukuriremo ubugingo mu kwemera kwiza

Kandi ukwize impuhwe ku mizi n'amashami

no ku muryango, inshuti, n'abafitanye isano bose

No ku bandi bantu bose b'idini muri buri Muyisilamu

waguhamirije ubumwe bwawe nta gushidikanya

Kandi usese amahoro n'imigisha bidashira iteka ryose

ku ntumwa nziza yatumwe mu muryango mwiza kurusha indi

Ni Muhamadi watoranyijwe nawe kubera ubuntu bwawe

buhambaye, n'imanurwa ry'Igitabo n'ubuhanga