Nta n'umwe wigeze aramburira ikiganza ku ntore mu byaremwe

Keretse gusa binyuze kuri we yarishimye

Ni cyo cyatumye na njye namuramburiye ikiganza cyanjye

Bityo naba umwe mu bageze ku munezero

Ni irembo riganisha kuri Allah ryazamutse rikaba hejuru

Ryubashye kandi ryihariye mu ntera zose zisumbuye

Bose binyuze mu muhamagaro we barahujwe

Na Allah maze binyuze kuri we babona ubufasha n'ubunganizi

Rwose jye mu bihe by'amakuba no mu bihe by'amahoro

Mu burinzi bwe ni ho nikinga ubuzima bwanjye bwose

Maze nti: "Ntabara yewe kigega cyanjye"

Kandi ungezeho uturuka mu biganza byawe ubugwaneza nka rume

Tugirire impuhwe yewe byiringiro byanjye

Ngira utya ukize umutima indwara n'intege nke

Mbese ukukunda yaba mu gihunga?

Kandi ku bw'icyubahiro cyawe nta muntu n'umwe ntinye

Nta wundi niringira uretse wowe niba

Ibihe binyikanze kandi nkabura abantabara

Ku bw'ubuzima bwawe ntegerezeho amaso yawe

Ku bw'ubuntu bwawe, yewe usumba abunamiye Imana bose

Ni wowe watoranyijwe kuva kera cyane

Yewe muvugizi mwiza mu mahanga yose

Kandi binyuze mu rumuri rwawe nyuma y'aho ntacyo cyariho

Isura y'iremwa ryose yarashashagiranye maze riragaragara

Kandi imigisha ya Allah itabarika

Uyihabwe yewe ufite urwego ruhanitse

Hamwe n'umuryango wawe n'abasangirangendo b'imfura

Igihe cyose umuririmbyi w'ingamiya azaba agihirimbura ijwi riranguruye