Karu kasqaymanta hukllachaykuwarqanku

ñawpa rimanakusqaykuta yuyarirqanku

Chiqnikuqkunapa rumi sunqun kaptinpas

hukllachakuypa suyananta hunt’arqanku

¡Ay, asuykamusqaymanta kusikuyniy!

¡Ay, ancha samiyuq kasqaymanta kusikuyniy!

Hunt'asqa killaymi hukllachaywan quwarqan

¡Ay kusikuyniy, munasqaymanmi chayarqani!

Ñawiypa weqenkunalla kusikuymanta huñukuychis

munapayayniypa nina rawrayninta wañuchiychis

Kay sumaq tuta kusikuypim kachkani

pukyuyqa chuyay-chuyaymi kachkan

Munakuypa qiruyninkunatam hap’irqani

sumaq q’apaq t’ikakunapa chawpinpi

Sumaq puriqpa makinmantam chaskirqani

chay kuyaylla sapaq sayayniyuq waynamanta

Mayninpiqa takin: “Qiruymanta ukyay”

hukkunapitaq nin: “Uyallayta much’ay”

“Waranqa kutita Wiraqucha” nispayqa

“Waranqa kutita yanapakuyniy” niwanmi

Hukkunaman chaqrusqa aqata quptinpas

ñuqallamanmi chuyallanta haywarqan

Munakuyninmanta amaña k’amiwaychu

allinpas mana allinpas kaptinpas saqirpaway

Munakuyninpa nina rawrayninqa

wiñay kusikuy Wiñay Pacha hinam kachkan