Ai a Medina d'aimats que, s'agachan

devers ieu, mas dolors fugisson e lo mau s'esvaís.

E lo còr se tròba dins l'intimitat e una jòia

granda, e lo succès e la victòria m'acompanhan.

O gènt de Taiba, venetz, car siái languissènt

e per l'objècte de mon espèr, me tenc en l'espèra.

Es vòstra usança que l'amant, quand vos apèla

amb la lenga de l'amor, se tròba solatjat.

L'amor m'emplena l'arma, o puslèu s'es incarnat

dins un còrs a mon imatge, se las fòrmas dison verai.

O Sénher dels Messatgièrs, secorretz-me, car demòra

pas d'autre mejan que vòstre amor gardat en tresòr.

Per Dieu vòstra naissença caríssima, que faguèt l'alegria

de la tèrra e faguèt s'esvanir las calamitats.

Es un jorn que lo mond n'es estat esclairent, cap de solelh

nimai de luna non se levèt sus un tal jorn.

Un salut per vos dempuèi un còr perfumat

que l'olabre de vòstre esperit n'aumenta l'aròma.

A qual me ditz : « De que languisses ? », respondi :

« Languissi de Taiba d'un desir sensa limits. »

O pilòt de l'aire, pausatz-me quand lusiràn

a vòstres uèlhs la copòla verda e las chambras.

Alai m'adreçarai a la reixa del Messatgièr per

demandar lo perdon a Dieu, ont lo pecat es perdonat.

Que la gràcia de Dieu siá sus vos, tant que seràn legits

los vèrses e las suras per la fèsta de vòstra naissença.

E sus la familha, los companhons e los disciples totes

lo Recors, lo Pòle e los amics quand son presents.