Aquò es lo reng ont las nacions cercan emparança

e que davant sa naltesa s'aclapan Arabs e non-Arabs

Aquò es lo reng del Messatgièr de Dieu, lo mai nòble a qui

de son Senhor li venguèron los decrèts e la sapiéncia

Aquò es Moamad lo Guida per qui foguèron escafadas

de nosautres, per la lutz de sa guida, las sornèiras e l'injustícia

Aquò es aquel que s'enairèt al dessús dels cèls

fins a un reng de glòria que las nacions pòdon pas aténher

Ô mon senhor, ô Messatgièr de Dieu, ô esperança miá

ô tu que m'i recapi se mon pè ven a limpar

Per tu foguèri guidat vèrs la fe, e per aquò

m'arribèron, de tas merces, las benediccions

Que lo Dieu de la creacion te benesiga tant que

las colombas gorrulan e que de las nívols tomban las pluèjas