Per tota autra beltat que la vòstra mon agach es defendut

e tota paraula qu'es pas la vòstra m'es sonque bruch

La vida de l'agla a vòstres costats es pas qu'una part de jorn

e una ora luenh de vos sembla d'ans e mai d'ans

Ma paciéncia luenh de vos es causa impossibla

e res non me pòt tuar fòra de vòstre desmamatge

Quand vos vesi mas dolors s'esvanisson

e quand vos ne sètz luenh la mòrt s'apròcha de ièu

Voldriái èsser vòstre companh de sèti

e que mas tendas sián levadas dins vòstre estatge

Garissètz per l'union lo malaut de l'abandon

que vaga d'amor per vos quand gemisson las colombas

Lo racònte de sa passion per vos es ancian

e de vòstra amor ne pòrta la malautiá coma vestiment

Sètz entre las originas l'origina mai nòbla

se o volètz lo mieu desir serà complit

Amb vos lo malaisit se fa de bon far

siatz generoses per vòstra gràcia ò nòbles

Degun fòra de vos es digne de generositat

cossí poiriá l’òste de vòstra cort sofrir un tòrt?