Ku chigwa cha al-Aqiq tinasonkhana

ife pamodzi ndi amaso akuda

Kodi mukumuganizira chiyani wamisala wa Layla?

Iye anamva gawo lochepa chabe la misalayi

Inuyo maso anga, mwanditopetsa bwanji

ndipo inu zikope zanga, mwanditayira bwanji

Iwe kamtima kanga, khala opirira

pa iwo amene andisiya kukhala ndekha

Ndinasiyana nawo pa tsiku la Lolemba

pofika m’mawa wa Lachiwiri ndinali ndi kusowa koopsa

Iwo ndi ambuye olemekezeka amene andisiya

ndikulira misozi ya mwazi m’maso mwanga

Ndinalira mpaka mbalame zomwe

pamwamba pa nthambi zinandimvera chisoni

Pa dzina la Allah, ngati ndidzafa ndi kulakalaka

nditsukeni ndi misozi yanga

Ndilirireni ndipo nenani

“Uyu ndiye wophedwa ndi maso amenewa”

Ndidakalipobe pafupi ndi nyama zoyendera

ndikupempha, “Pa dzina la Allah, ndinyamuleni”

Kupita ku malo okhala a anthu anga

ananyamuka popanda kunditsazika

Pita, iwe mthenga wanga, kwa iwo

fulumira, ndipo kampsompsone manja awo

Pereka moni wanga kwa iwo

mwinamwake angandilandire

Mthenga wanga anabwera kwa ine akumwetulira

ndipo anati, “Sanguluka, pakuti chiyanjano ndi chako!”

Chiyanjano cha mkate ndi mchere pakati panu chilipo

andilonjeza kuti udzakumananso nawo