Pakuti inu ndinu kuwala kwa chiongoko m’chilengedwa chilichonse

Ndipo inu ndinu chinsinsi cha kuwolowa manja, inu wodalirika kopambana

Ndipo inu ndithudi ndinu mpulumutsi wa zolengedwa zonse

Ndipo inu ndinu mtsogoleri wa anthu kwa Allah, Mwini chilungamo

Inu amene muimirira pa malo a chitamando muli nokha

Kwa Mmodzi Yekha, amene sanabadwe ndipo sabala

Inu amene mitsinje inayenda ikusefukira

m’zala zanu, n’kuthirira gulu la nkhondo ndi thandizo

Ine pamene chisalungamo chindichititsa mantha

Ndimanena kuti: "Inu Mbuye wa abuye, inu thandizo langa"

Khalani mlanditsi wanga kwa Wachifundo pa zolakwa zanga

Ndipo ndipatseni zabwino zomwe sizinalowe m'maganizo mwanga

Ndipo ndiyang’aneni ndi diso lachikondwerero nthawi zonse

Ndipo bishani ndi kukoma kwanu kuperewera kwanga mpaka kalekale

Ndipo ndisonyezeni chifundo ndi chikhululukiro chanu chomwe chindikuza

Pakuti ine, inu Mbuye wanga, sindinapatuke kwanu

Ndithudi ndapempha kupyolera mwa Osankhidwa, wopambana mwa onse

Amene anakwera kumwamba, chinsinsi cha Mmodzi Yekha

Mbuye wa kukongola, ulemerero ukhale kwa Allah amene adalenga inu

Pakuti wonga inu mwa zolengedwa zonse sindinaonepo

Wabwino mwa zolengedwa, wapamwamba mwa atumiki onse

Chuma cha anthu ndi mtsogoleri wawo kunjira yoyenera

Kwa iye ndathawira kuti mwinamwake Allah andikhululukire

Izi ndi zomwe zili m’maganizo mwanga ndi chikhulupiriro changa

Kutamanda inu kwakhala chizolowezi changa moyo wanga wonse

Ndipo chikondi chanu kwa Mbuye wa Mpando wa Chifumu ndicho thandizo langa

Pa iye pakhale madalitso oyera kwambiri amene satha

Pamodzi ndi mtendere wopanda malire kapena chiwerengero

Ndipo pa achibale ndi maswahaba, anthu a ulemerero onse

Ndi amene adawatsata mwachabwino mpaka kalekale