Хамгийн эрхэм бүтээл рүү гараа сунгасан хэн боловч

Түүний ачаар л аз жаргалыг амссан билээ

Тиймийн тулд би Түүн рүү гараа сунгасан

Тэгээд би ч бас аз жаргалтай нэгэн болсон

Аллах руу хөтлөх өндөр бөгөөд эрхэм хаалга

Алдар хүнд, дээд бүхнээрээ онцгойрон ялгарсан

Бүгд Түүний урилгаар Аллахтай холбогдсон

Түүгээр дамжуулан тэнгэрлэг тусламжийг олсон

Би зовлон зүдгүүртэй үед ч, баяр баясгалантай үед ч

Түүний ивээл дор насан туршдаа хоргодоно

Миний эрдэнэс минь, надад туслаач гэж би айлтгана

Хоёр алган дээрх өгөөмөр хишгээ надад хүртээгээч

Миний итгэл найдвар минь, биднийг өршөөн энэрээч

Зүрхний өвчин зовлонг илааршуулан анагааж өгөөч

Таныг хайрлагч хүн айдас хүйдэст автах гэж үү?

Таны нэр төрийн ачаар би хэнээс ч үл эмээнэ

Хэрэв цаг хугацаа надад хатуурхаж, туслах хүнгүй болбол

Танаас өөр хэнд ч би найдахгүй

Таны ариун амьдралын төлөө, биднийг харж соёрхооч

Сөгдөн мөргөгчдийн хамгийн дээд нь, өгөөмөр сэтгэлээр

Та бол эрт галаас сонгогдсон нэгэн

Улс үндэстнүүдийн дундах хамгийн сайн зуучлагч

Хоосон байсны дараа Таны гэрэл гарснаар

Орчлон ертөнцийн төрх гэрэлтэн тодорсон

Аллахын хязгааргүй их адислал ерөөл

Танд өргөгдөх болтугай, агуу дээд хэргэмтэн минь

Сайн нөхөд болон гэр бүлийнхэнд нь мөн адил

Тэмээчин дуу аялан цуурайтахын хэрээр