Медина хотод миний хайртай хүмүүс бий, тэд над руу харвал

Миний зовлон шаналал арилж, хор уршиг замхран одно

Зүрх сэтгэл минь амар амгалан, агуу баяр баясгалангаар дүүрч

Амжилт бүтээл, ялалт дагуулж, надад хань болно

Ай Тайбагийн ардууд минь, наашлаач, би хайрандаа шаналж байна

Өөрийн хүсэн хүлээсэн зүйлээ горьдон хүлээж сууна

Хайрт хүн та бүхнийг хайрын хэлээр дуудах аваас

Түүний сэтгэл нь амарч, засардаг нь танай ёс билээ

Хайр минь зүрхийг минь дүүргэж, бүр миний дүрд

Биежин хувирчээ, хэрэв дүр төрх үнэнийг илтгэвэл

Ай Элч нарын эзэн минь, намайг авраач, надад

Танаас хадгалсан хайраас өөр арга чарга үлдсэнгүй

Таны эрхэм мэндэлсэн өдөр дэлхий ертөнцийг баясгаж

Гай зовлонг арилгасан нь Бурханы ивээл билээ

Энэ өдөр хорвоо ертөнц гэрэлтэж, үүнээс өмнө

Ийм наран, саран хэзээ ч мандаж байсангүй

Анхилуун үнэрт зүрхнээс Танд мэндчилгээ өргөе

Таны ариун сүнс тэрхүү үнэрийг улам бүр бадраана

"Чи юунд тэмүүлнэ вэ?" гэж асуусан хүнд би хариулъя

"Тайба хотыг хязгааргүй ихээр санагалзан тэмүүлж байна"

Ай агаарын хөлгийн жолооч оо, ногоон бөмбөгөр орой

Болон өрөөнүүд харагдах үед намайг тэнд буулгаач

Тэнд би Элчийн цонхыг зорин очиж, нүгэл хилэнц

Уучлагдах тэр газар Бурхнаас өршөөл эрнэ

Таны мэндэлсний баяраар Аяат, Суранууд уншигдах бүрт

Бурханы адис ерөөл Танд үүрд мөнх орших болтугай

Таны гэр бүл, нөхөд, дагагчид болон бүх хутагт хувилгаад

Тэргүүтэй хайртай хүмүүст амар амгаланг ерөөе