Яарагтун, олз омог таныг орхин одлоо,

Таныг гүн нойрсож байхад тэд түүнийг хуваан авцгаав.

Шагнал хүртэгсдийг хэрэв та харсан сан бол,

Тагтаа шувуу мэт гашуудан уйлах байлаа.

Хэзээ ч харамсахыг үл хүсвэл,

Босоод зүрхний Хайртдаа үнэнчээр зүтгэ.

Тэрхүү Хаалгыг бүү орхи, ай зүдэрсэн сэтгэл минь,

Учир нь тууштай байгч л жинхэнэ аз жаргалт нэгэн юм.

Хаалганд үнэнч байгч ойртохыг олж,

Дээд шагнал хийгээд олз омгийг хүртэнэ.

Тэнгэрлэг Илрэлийн цагт бүү унт,

Унтаж буй нэгэн шагнал хэзээ ч үл хүртэх билээ.

Нүгэл хилэнц зүрхийг минь гүн шархдуулж,

Түүнийг анагаах эм тан би эс олов.

Гагцхүү Таны таалал л үүнийг анагаана, ай Эзэн минь,

Өгөөмөр хийгээд хязгааргүй нигүүлсэлт Нэгэн минь.

Ай миний Эзэн, бид Танд ойртохыг эрэлхийллээ,

Араб болон харь үндэстний Эзэн дээдлээр дамжуулан.

Сонгогдсон манай Бошиглогч Тихами,

Бошиглогчдын тамга болон ирсэн Нэгэн.