Никој не ја подал раката кон најдоброто создание

а да не ја нашол со него својата среќа

Затоа јас кон него ја подадов мојата рака

и преку тоа станав еден од среќните

Тој е порта кон Аллах што високо се воздигна

во чест, и се истакна со секоја возвишеност

Преку неговиот повик сите се поврзаа

со Аллах, и преку него ја примија поддршката

Јас и во тешкотија и во леснотија

во неговото засолниште прибегнувам цел живот

И велам: „Помогни ми, о мое скапоцено богатство“

и дари ми од своите дланки милост и добрина

Смилувај ни се, о моја надеж

со исцелување на срцето од сите болки

Зарем твојот вљубеник би бил во страв

кога со твојот углед не се плашам од никого?

Не се надевам на друг ако ме притисне

судбината и ако останам без помагачи

Заради твојот живот, погледни ме милостиво

со дарежливост, о најдобар од сите што паднале на сеџда

Ти си Одбраниот уште од исконот

о најдобар застапник меѓу народите

Со твојата светлина, по самото небитие

лицето на созданието заблеска и се појави

Благословите на Аллах безбројни

тебе ти се подаруваат, о ти со возвишен степен

И на семејството и чесните сопатници

додека водачот на караванот пее и неговиот глас одекнува