Кажи му на оној што ме прекорува

остави ме на мојот пат, о прекорувачу

Да знаеше ти што се случи

не би ме одвраќал, о незнајко

Зарем не го гледаш моето болно тело

како згасна од маката на слабоста

Кажи ми, за кого е овој замор

и овој копнеж и овој занес

Аллах ми е доволен и заштита

кажи што сакаш, о ти наметливцу

О вие што престојувате во моите тајни

за вас ја чувам најчистата љубов

Вам ви ги предадов, о мои господари

уздите на мојот живот и водството

Не го заборавајте оној кој почна

да се возвишува преку вас меѓу луѓето

Стои тој на портата, непоколеблив

надевајќи се на благодат и прием

Аллах ми е доволен и заштита

кажи што сакаш, о ти наметливцу

Проветрија ветрињата на соединувањето

од кај Светиот и Севишниот

И со својата светлина ги осветлија

световите на срцето ослободено

Од сè друго освен неговиот Бог

Единиот, Вистинитиот, Закрилникот

И неговите тајни беа откриени

па се насели во кулата на близината

Аллах ми е доволен и заштита

кажи што сакаш, о ти наметливцу

Заноќи вљубениот со својот Сакан

додека невнимателниот прекорувач е далеку

Тој не ја познава суштината на љубовта

меѓу господарите и нивните слуги

О, тешко нему, што би му фалело

кога би ја знаел за среќниот

Неговата положба кај неговиот Господар

а Аллах знае што тој зборува

Аллах ми е доволен и заштита

кажи што сакаш, о ти наметливцу

Што можат да кажат тие што негираат

за оној кој има срце непорочно

Кој ги љуби сите муслимани

а целта му е Благородниот Господар

И кој во својата душа верува

дека е само еден смирен роб

Да не беше милоста на неговиот Господар

би бил само еден грешник залутан

Аллах ми е доволен и заштита

кажи што сакаш, о ти наметливцу