Во Медина имам мили блиски, кои штом погледнат

кон мене, грижите исчезнуваат и маката бега.

Срцето ми е во спокој и во радост

преголема, а успехот и победата постојано ме следат.

О жители на Тајба, побрзајте, јас сум изнемоштен

и за она што го надевав, со копнеж чекам.

Вашиот обичај е дека вљубениот, кога

ќе ве повика со јазикот на љубовта, наоѓа утеха.

Љубовта го исполни моето срце, таа дури се овоплоти

во лик по моја слика, ако ликовите нешто кажат.

О првенцу на пратениците, помогни ми, зашто немам

друг излез, освен твојата љубов што во себе ја чувам.

За Бога, твоето свето раѓање со кое се усреќи

земјата, а животните маки со него исчезнаа.

Ден во кој светот заблеска, па никогаш не изгреало

ниту сонце ниту месечина на ден како тој.

Прими поздрав од моето срце миризливо

чиј мирис го зголемува твојот благороден дух.

Некој ме праша: „За што копнееш?“, па му реков:

„Копнеам по Тајба со копнеж што е безграничен.“

О пилоту на небото, спушти ме кога ќе светнат

пред твоите очи Зелената купола и одаите.

Таму ќе пријдам кон прозорецот на Пратеникот

за да барам прошка од Бога, каде гревот се простува.

Божјиот благослов нека е над тебе, додека се учат

на твојот мевлид светите ајети и сури.

И над родот, придружниците и сите следбеници

над Гаусот, Кутбот и саканите кои се присутни.