Ме соединија по мојата оддалеченост

и го испочитуваа мојот дамнешен завет

И наспроти завидливите

го исполнија моето ветување со соединување

О, моја радост во оваа блискост!

О, блаженство на мојата среќа и благодет!

Мојата полна месечина ме дарува со сојуз

о мое блаженство, ја остварив својата цел

Па соберете се, о солзи на моите очи

и згасни, о оган на мојот копнеж

Зашто јас сум во мојата ноќ на присност

и изворот на мојот духовен напиток се разбистри

Ги зедов моите чаши [на љубовта]

среде мирисот на босилек и рози

Од рацете на оној со грациозен од

волшебен, со витка и елегантна става

Понекогаш пее: „Земи ја мојата чаша“

а понекогаш: „Еве го мојот образ“

Ако речам: „О Господару илјадократен“

ми одговара: „О слуго мој илјадократен“

Ако на другите им дава разреден пијалак

мене ме издвојува со чистиот и неразреден

Во неговата љубов, остави го прекорот кон мене

и отфрли го моето чувство за „грешно“ или „исправно“

Зашто огнот на мојата страст во неговата љубов

за мене е како вечното блаженство на Рајот