ຂ້ານ້ອຍຂໍກັບຕົວສໍານຶກຜິດ ໂອ້ ພຣະຜູ້ເປັນເຈົ້າ ຂໍຊົງຍອມຮັບການກັບຕົວແລະອະໄພໃຫ້ຂ້ານ້ອຍ

ຂໍຊົງລຶບບາບ ແລະ ຍົກໂທດໃຫ້ທຸກຄວາມບົກຜ່ອງຂອງຂ້ານ້ອຍ

ຂ້ານ້ອຍຫວາດຢ້ານຕໍ່ຜົນໃນບັ້ນປາຍ ຂໍຊົງປະທານຄວາມປອດໄພແກ່ຂ້ານ້ອຍດ້ວຍຄວາມກະລຸນາ

ດ້ວຍພະຄຸນ ຄວາມເມດຕາ ຄວາມເອື້ອເຟື້ອ ແລະ ຄວາມໂປດປານອັນແທ້ຈິງ

ໂອ້ ພຣະຜູ້ເປັນເຈົ້າ ຍ້ອນຄວາມຜິດພາດ ຂໍຊົງໂຜດຍົກຂ້ານ້ອຍໃຫ້ພົ້ນຈາກມັນ

ບາບຂອງຂ້ານ້ອຍໜັກໜາ ແລະ ຄວາມຜິດອັນມາກມາຍເຮັດໃຫ້ຈິດໃຈຂ້ານ້ອຍສັບສົນ

ຂໍຊົງຊ່ວຍເຫຼືອ ຂໍຊົງຊ່ວຍເຫຼືອ ຂໍຊົງເລັ່ງການປົດປ່ອຍແລະຊ່ວຍກູ້ຂ້ານ້ອຍ

ແລະ ຂໍຊົງປະທານຄວາມຮູ້ທີ່ມາຈາກພຣະອົງໂດຍກົງແກ່ຂ້ານ້ອຍ ໂອ້ ພຣະຜູ້ເປັນເຈົ້າ

ເພື່ອໃຫ້ຂີ້ໝ້ຽງແລະມ່ານໝອກທັງປວງຖືກກໍາຈັດອອກຈາກຫົວໃຈ

ໂອ້ ພຣະຜູ້ຊົງສະດັບຮັບຟັງ ຂໍຊົງຕອບຮັບແລະຟັງຄໍາວິງວອນຂອງຂ້ານ້ອຍ

ຂ້ານ້ອຍບໍ່ມີໃຜນອກຈາກພຣະອົງທີ່ຈະເປັນຜູ້ປະທານໃຫ້

ຂ້ານ້ອຍບໍ່ມີໃຜນອກຈາກພຣະອົງທີ່ຈະສ້າງຄວາມຮັ່ງມີໃຫ້ແກ່ຂ້ານ້ອຍ