ສາຍຕາຂອງຂ້າພະເຈົ້າທີ່ຈ້ອງເບິ່ງຄວາມງາມອື່ນນັ້ນເປັນສິ່ງຕ້ອງຫ້າມ

ແລະຄຳເວົ້າອື່ນນອກຈາກຄຳເວົ້າຂອງພວກທ່ານນັ້ນບໍ່ແມ່ນຄຳເວົ້າສຳລັບຂ້າພະເຈົ້າ

ອາຍຸຂອງນົກອິນຊີທີ່ຢູ່ກັບພວກທ່ານເປັນພຽງບາງສ່ວນຂອງມື້

ແຕ່ຊົ່ວໂມງທີ່ຢູ່ກັບຜູ້ນື່ນນັ້ນຍາວນານດັ່ງປີແລ້ວປີເລົ່າ

ຄວາມອົດທົນຂອງຂ້າພະເຈົ້າທີ່ຈະຫ່າງຈາກພວກທ່ານນັ້ນເປັນໄປບໍ່ໄດ້

ແລະບໍ່ມີສິ່ງໃດຈະຂ້າຂ້າພະເຈົ້າໄດ້ ນອກຈາກການພັດພາກຈາກພວກທ່ານ

ເມື່ອຂ້າພະເຈົ້າໄດ້ເຫັນພວກທ່ານ ຄວາມທຸກກັງວົນຂອງຂ້າພະເຈົ້າກໍມະລາຍຫາຍໄປ

ແລະຫາກພວກທ່ານລັບຫາຍໄປ ຄວາມຕາຍກໍຄືບຄານເຂົ້າມາຫາຂ້າພະເຈົ້າ

ຂ້າພະເຈົ້າປາດຖະໜາຢາກເປັນຜູ້ນັ່ງຮ່ວມວົງກັບພວກທ່ານ

ແລະຢາກໃຫ້ມີການຕັ້ງກະໂຈມໄວ້ໃຫ້ຂ້າພະເຈົ້າ ໃນສະຖານທີ່ພັກເຊົາຂອງພວກທ່ານ

ຈົ່ງປິ່ນປົວຜູ້ປ່ວຍຈາກການຖືກທອດຖິ້ມດ້ວຍການມາພົບພານ

ຜູ້ທີ່ຫຼົງໄຫຼໃນຕົວພວກທ່ານ ເມື່ອຍາມນົກເຂົາຂັນສຽງກັງວານ

ເລື່ອງລາວຄວາມຮັກຂອງເຂົາທີ່ມີຕໍ່ພວກທ່ານນັ້ນມີມາແຕ່ເກົ່າກ່ອນ

ແລະອາພອນທີ່ເຂົາສວມໃສ່ຈາກຄວາມຮັກນັ້ນຄືຄວາມເຈັບປ່ວຍທາງກາຍ

ເພາະພວກທ່ານຄືຕົ້ນກຳເນີດທີ່ສູງສົ່ງທີ່ສຸດໃນບັນດາຕົ້ນກຳເນີດ

ຫາກພວກທ່ານມີເຈດຕະນາ ສິ່ງທີ່ຂ້າພະເຈົ້າໝາຍໝັ້ນກໍຈະບັນລຸຜົນ

ດ້ວຍພວກທ່ານ ສິ່ງທີ່ຍາກລຳບາກກໍກັບກາຍເປັນສິ່ງທີ່ງ່າຍດາຍ

ດັ່ງນັ້ນຈົ່ງປະທານຄວາມເມດຕາດ້ວຍຄວາມດີເຖີດ ໂອ້ ຜູ້ມີກຽດທັງຫຼາຍ

ບໍ່ມີຜູ້ໃດເໝາະສົມກັບຄວາມເອື້ອເຟື້ອເພື່ອແຜ່ນອກຈາກພວກທ່ານ

ແລ້ວແຂກທີ່ມາພັກເຊົາໃນເຂດບ້ານຂອງພວກທ່ານຈະຖືກຂົ່ມເຫັງໄດ້ແນວໃດ