Na kitoko ya molongo nde vino na ngai euti

Nameki yango peto mpe eza ya ndingisa

Ewuti na bizaleli ya sanza na ngai ya mobimba

Oyo ezwi kitoko wana ya kokoka mobimba

Elongi oyo pole na yango ebimi na nkembo

Mpe molongo ekómi talatala na yango

Soki motema na yo eluki kokutana na Ye

Tika mposa na yo eyokana na mposa na Ye

Na molimo, ngai nazali lola ya monene

Na nzoto, ngai nazali mputulu mpamba

Ngai nazali fololo, ngai nazali mayi

Nabungi na kati ya elengi ya esengo na ngai

Mpe molimo emati na nivo na yango ya likolo

Mpe motema ekómi kobatela mpe kokengela yango

Mpe nzoto elandi nzela na yango na lombangu

Po ezwa mposa na yango ya mozindo mpenza

Ee yo mopesi foti oyo opameli na kozanga koyeba

Molingami oyo akomi na bokutani ya bolingo

Soki opameli na bosembo okomekama mpe yo

Pe okomeka bolingo wana mbala moko mpenza

Na bopunzi na yo ya nionso mosusu longola se Ye

Okokota na monene ya nseko na Ye

Mpe na malili ya masanga ya kosepela na Ye

Ebomaka moto ya mposa makasi ya motema

Mabondeli ya Nzambe ekende lokola likabo

Na nsolo ya kitoko koleka malasi nionso

Epai ya Ntoma oyo amonani na pole

Oyo pole na ye elongolaka kobunga nzela nionso

Na kimia oyo esilaka soki moke te

Pe na libota na ye, bato ya lokumu monene

Pe baninga na ye mpe baoyo balandi bango

Na mibali nionso ya sembo ya Nzambe