Moto moko te asembolaki loboko na ye epai ya moleki malamu ya bozalisi

Soki azuaki esengo na nzela na ye te

Yango wana nasemboli loboko na ngai epai na ye

Mpe na yango nakomi moko ya bato ya esengo

Ekuke mpo na kokende epai ya Nzambe oyo emataki mpe etombuami

Na lokumu mpe ekeseni na nkembo nyonso ya likolo

Mpe banso na nzela ya libiangi na ye basangani

Na Nzambe mpe bazuaki lisalisi na nzela na ye

Solo ngai na kati ya mpasi mpe na kati ya petee

Na bobateli na ye nakimaka bomoi na ngai mobimba

Mpe nalobaka: Sungatela ngai, Oh ebombelo na ngai

Mpe pesela ngai matondu ya ngolu uta na maboko na yo

Mpe yokela biso mawa, Oh elikya na ngai

Na kobikisa motema uta na maladi nyonso

Ekoki nde molingami na yo azala na nsomo?

Mpe na nkembo na yo nabangaka moto moko te

Nazali kozela mosusu te soki monyoko

Ya eleko eyei mpe nazangi basungi

Na bomoi na yo, tinda liso na yo epai na ngai

Na boboto, Oh yo oyo aleki banso na kogumbamela Nzambe

Yo nde Moponami uta bileko ya kala

Oh molobeli malamu koleka mpo na mabota

Mpe na pole na yo, nsima ya kozanga ya mokili

Elongi ya bozalisi engengaki mpe emonanaki

Mpe losambo ya Nzambe oyo ezali na ndelo te

Epalami epai na yo, Oh yo oyo ozali na lokumu ya likolo

Mpe na libota elongo na baninga ya nkembo

Wana moyembi ya bakamela azali kobimisa nzembo mpe eyandola