Salá mbángu, pamba té biloko ya motuya eleki yo

Bakaboli yango wana yo ozali kolala mpongi

Soki omonaki baoyo balóngaki mpe bazwaki mbano

Olingaki olela ndéngé bibenga elelaka

Soki olingi kozala na mawa tɛ́ mpo na ntango eléki

Tɛlɛmá mpe kangama na Molingami ya mitema

Kangama mpenza na ekuke, yo molimo oyo elɛmbi

Pamba té moto ya esengo mpenza azali oyo akangami

Moto nionso oyo akangami na ekuke apusani mpémbéni

Mpe alongi mbano ná biloko nionso ya motuya

Kólala mpongi tɛ́ na ngonga ya emoniselí ya Nkembo

Pamba té mowei-mpongi akoki kozwa mbano tɛ́

Masumu na ngai ezokisi motema na ngai makasi

Mpe nazali komona nkisi mpo na kobikisa yango tɛ́

Longola sé kosepela na Yo, e Nkolo na ngai

Yo oyo ozali na kabo monene mpe ngolu ebele

Topusani mpémbéni na Yo, e Nkolo na biso

Na nzela ya Mokonzi ya Ba-Arabe mpe ya bikólo nionso

Mosakoli na biso, Moponami, Moto ya Tihama

Oyo ayei lokola elembo ya suka ya basakoli