Жаралгандардын эң асылына ким колун сунса

Ал сөзсүз бакытка жетти

Ошол себептүү мен да ага колумду сундум

Ошону менен бактылуулардын катарына кошулдум

Ал — Аллахка алпаруучу бийик жана улуу дарбаза

Ал бардык улуулуктар менен өзгөчөлөндү

Бардыгы анын чакырыгы менен Аллахка байланды

Жана ал аркылуу колдоого ээ болду

Мен кыйынчылыкта да, жеңилдикте да

Өмүр бою анын коргоосуна баш пааналадым

"Мага жардам бер, о менин тирегим" — деймин

"Мага берешен колуңдан шарапат бер"

О менин үмүтүм, бизге мээримиңди төк

Жүрөктү бардык дарттардан айыктыр

Сени сүйгөн адам коркууда калабы?

Сенин кадыр-баркың менен мен эч кимден коркпойм

Замана зулумдук кылып, жардамчысыз калсам да

Сенден башка эч кимден үмүт кылбайм

Өмүрүңө ант, бизге бир назар сал

О берешендик ээси, сажда кылгандардын эң абзели

Сен эзелтен тандалган затсың

О үмөттөрдүн арасындагы эң мыкты шапаатчы

Жоктуктан кийин сенин нуруң менен

Болмуштун жүзү жаркырап көрүндү

Аллахтын чексиз салаваттары

Сага багышталат, о кадыры бийик зат

Жана үй-бүлөңө, асыл сахабаларыңа болсун

Төө айдоочунун обону жаңырып турганча