Duh Utusaning Gusti Ingkang Akarya Jagad Ingkang Moho Luhur

abdi panjenengan nyuwun: Duh Rasul, kersaa rawuh nyaket!

Abdi panjenengan nyuwun, duh Rasul, supados kula mboten katingal

mlarat dumateng sintena kemawon kejawi Gusti Allah Ingkang Moho Luhur

Sawijining abdi ing pucuking Kulon nyuwun dhumateng Muhammad

mboten ningali sintena kemawon kejawi Rasul minangka pangayoman

Sawijining abdi nunggu wonten ngajeng kori kanthi pangajeng-ajeng

nampi sambutan mulya, sanadyan sampun dangu anggenipun nunggu

Sedaya sakliyane Ahmad katingal alit wonten ing mripat kula, awit saestu

kula ngajeng-ajeng kanugrahan saking Panuntunipun para abdi

Duh ingkang mulya budinipun saha loma sanget, punapa ingkang panjenengan kersakaken

kagem tamu saking Dzat Ingkang Moho Loma, ingkang sampun matur kanthi sae

Mugi kersa paring dhumateng piyambakipun sakmampuning lomaning asta panjenengan, duh Pinilihing

sedaya titah, peparing ingkang mboten badhe sirna

Amargi wonten saben titah ingkang gesang, panjenengan sampun paring kanugrahan

lan kula, kados dene tiyang ingkang nandang asor, nggayuh lubering kawelasan panjenengan

Mugi sholawat saking Allah saha salam-Ipun tansah katur dhumateng panjenengan

ugi dhumateng para sohabat saha kulawarga Nabi