Mboten wonten ingkang nguluraken asta dhateng pinunjulipun titah

Kejawi piyambakipun badhe manggih kabegjan

Awit saking punika kula nguluraken asta dhateng panjenenganipun

Lan kanthi makaten kula dados golonganipun tiyang ingkang begja

Panjenenganipun punika korining Allah ingkang luhur lan inggil

Kanthi kamulyan sarta pinunjul ing sedaya kaluhuran

Sedaya titah kanthi dakwahipun saged sesambungan

Dhateng Allah sarta angsal pitulungan lumantar panjenenganipun

Sayektosipun kula nalika sisah punapa dene gampil

Tansah nyadhong pangayomanipun ing salaminipun gesang

Kula munjuk: "Paringana pitulungan dhuh pepundhen kula"

Lan paringana saking asta panjenengan lumebering kanugrahan

Mugi karsaa paring kawelasan dhuh gegayuhan kula

Kanthi marasaken manah saking sawernaning sesakit

Punapa saged tiyang ingkang nresnani panjenengan ngrasakaken ajrih

Lan kanthi drajat panjenengan kula mboten ajrih dhateng sinten kemawon

Kula mboten nggadhahi pengajeng-ajeng sanesipun bilih

Zaman nganiaya kula lan kula kecalan panyengkuyung

Demi gesang panjenengan, mugi kersaa paring panyawang

Kanthi luhuring budi, dhuh tiyang ingkang paling utami ing sujudipun

Panjenengan punika tiyang pinilih wiwit jaman azali

Dhuh sae-saenipun paring syafaat kagem para umat

Kanthi cahya panjenengan sasampunipun mboten wonten punapa-punapa

Pasuryaning jagad raya punika sumunar lan katingal

Shalawatipun Allah ingkang mboten wonten watesipun

Kaaturaken dhumateng panjenengan dhuh ingkang luhur drajatipun

Sarta kagem kulawarga lan para sahabat ingkang mulya

Salaminipun panggiring unta nembang lan mbales swanten