Duh Ingkang maringi manungsa margining pitedah

Duh Ingkang nunggal nampi puji sedaya alam

Wonten ing ngarsa kori Paduka, dhuh Pangeran, kula nggadhahi panyuwun

Ingkang dados wujuding pangajeng-ajeng salami gesang

Paduka punika Ingkang boten nate nguciwakaken tiyang ingkang nyuwun

Punapa kori Paduka badhe katutup saking panyuwun kula?

Awit kanugrahan Paduka, dhuh Allah, kula gesang kanthi nyawijekaken Paduka

Punapa badhe tinulak tiyang ingkang sowan kanthi iman ingkang nyawiji?

Panyuwun kula punika satunggal, kados dene Dzat Paduka Ingkang Tunggal

Mila mugi keparenga senajan namung sakdhap, kula saged nyawang Ahmad