Duh ingkang paling endahing para nabi

Duh ingkang paling sampurnaning para pinilih

Duh pungkasaning para utusan

Saiba manisipun Panjenengan wonten ing manah kula

Duh panjenengan ingkang mawi naskahing jagad

gumulung wonten ing dhiri Panjenengan

Minangka peparing ingkang langgeng ing azali

Panjenengan ingkang pinaringan

syafaat ingkang jangkep sampurna

Nalika para tumitah ing wekdal punika

sami pados pitulungan dhateng para nabi

Lajeng dipun dhawuhaken dhateng manungsa

"Satepene sira wis nggayuh gegayuhanmu"

"Padha lumaku marang Muhammad"

"lawanging Pangeran Kang Maha Luhur"

Pratandha-pratandhanipun dados jampi

Lan panjenenganipun pancen kacawisaken

sarta kagungan pepujian ingkang sampurna

Lajeng panjenenganipun nyuwun sinambi sujud

"Duh Gusti, mugi paring kanugrahan kanthi ridha"

Swantenipun: "Syafaata dhuh Kekasih!"

"Duh nabi ingkang suci ing antawisipun para pinilih"

"Nyuwuna, sira bakal kaparingan apa kang dikarepake"

"lan aja sira ninggalake wong kang kakehan dosa"

Duh nabi ingkang suci ing antawisipun para pinilih

Mugi katur shalawat dumateng nabi ingkang mindhak

nginggilipun langit kanthi mulyo

Menika kekasih ingkang benjang

badhe ngicalaken sedaya reribet saking kita

Duh Gusti, mugi Panjenengan lumerahaken dhateng kita

welas asih saking manahipun ingkang suci

Lan pungkasi gesang kita kanthi pungkasan arum

Duh Kang Maha Nyembadani panyuwunan

Kanthi prabawanipun rahasia-rahasia Dzat