O discipulo de Allah, io repete un parola, audi lo

Si tu comprende mi parola, per illo tu attinge a Allah

Tu debe, o discipulo, prender le vino del unicitate

E si tu desira plus, oblida omne cosa altere que Ille

Invoca le Nomine Supreme e plica le universo pro ganiar

E plunge in le oceano del eternitate, car illo es le oceano de Allah

Plunge in le oceano de lumines, de significatos e de secretos

E annihila iste demora, que tu corde attinge su desiro

Annihila te in le Adorato pro gustar le senso del vision

Car iste existentia non es nihil altere que le lumine de Allah

Le dominio terrestrial e le celestial, assi como le divin potentia

Omnes es descriptiones, e le Essentia es le nominate

Evanesce del qualitates e annihila te in le Essentia del Essentia

Iste es fluctuationes que ha lor fin in Allah

In Ille es le fin e de Ille es le principio

E ora Ille se ha manifestate, e le universo es in Su beltate

Pro Ille le universo es un speculo e manifestation de qualitates

Muhammad es le lumine del Essentia, que Allah lo benedice

Al-Alawi dice un parola que es de Ille acceptate

Le mentes erra per illo, evanescente in le Essentia de Allah