Mwen te di, lè li te fin disparèt pou mwen

limyè bèlte w ki byen pwoteje

Devan Bondye, yon soufrans fin dechèpiye m

kote mwen te goute lanmò li menm

Epi je mwen yo, poutèt gwo rèl ak kriye

ap koule tankou sous dlo k ap debòde

Epi po je m yo, sa ki te koule a pa t ase

jouk yo te vin seche nèt

Kè m ap pèdi nan pasyon, anvi m ap grandi

kilè n ap gen chans rankontre ankò?

Limyè a te disparèt nan je mwen

O bèl Lalin, pote soulajman pou je sa yo