Ya Allah, hakika na yi niyyar yin salati ga Annabi (tsira da amincin Allah su tabbata a gare shi) domin biyayya ga umarninka da gaskata Annabinka Muhammadu (tsira da amincin Allah su tabbata a gare shi), da soyayya gare shi da kwaɗayin gamuwa da shi, da girmama darajarsa, da kuma kasancewarsa wanda ya cancanci hakan

Saboda haka Ka karɓe shi daga gare ni da falalarka da kyautatawarka, Ka kuma yaye labulen gafala daga zuciyata, Ka sanya ni a cikin bayinka sãlihai

Ya Allah, Ka ƙara masa ɗaukaka a kan ɗaukakarsa wadda Ka sanya masa, da buwaya a kan buwayarsa wadda Ka ba shi

Da kuma haske a kan haskensa wanda Ka halicce shi daga gare shi, Ka ɗaukaka matsayinsa a cikin matsayoyin manzanni, da darajarsa a cikin darajojin annabawa

Kuma ina roƙonka yardarka da yardarsa ya Ubangijin talikai, tare da afiya madauwami da mutuwa a kan Littafi da Sunnah da haɗin kan al’umma, da kalmomin shahada guda biyu a kan tabbatar da su ba tare da canzawa ko juyawa ba

Ka yafe mini abin da na aikata na zunubai da falalarka da kyautarka da karamcinka, ya Mafi karamcin masu karamci

Tsira da amincin Allah su tabbata ga shugabanmu Muhammadu, cikon annabawa kuma jagoran manzanni, da iyalansa da sahabbansa baki ɗaya, amincewa ta tabbata ga manzanni, godiya ta tabbata ga Allah Ubangijin talikai