Que poder teño eu sobre nada? Que podo facer por min mesmo?

Por que hei de temer polo meu sustento, se o meu Creador me prové?

Son o servo dun Señor que posúe o poder

de facer doada calquera cousa difícil.

Que importa, logo, que eu sexa feble

pois o meu Señor ten poder sobre todas as cousas.

Que podo facer por min mesmo sendo un servo, un escravo?

Todo está decretado polo destino, disto non pode haber dúbida.

Auxilio, auxilio, oh Mensaxeiro de Allah

e sácianos co teu socorro, oh Amado de Allah.

O meu Señor vela por min e a miña propia visión non ten valor

de útero en útero, de ventre en ventre, dunha soa pinga El deume forma.

El di ao que desexa "sé" e así é, El orixina todo, gloria a El, e faino retornar

Decreta o que lle prace na Súa creación, e fai no Seu reino o que El quere.